امریکی صدر صدر ڈونلڈ ٹرمپ نے بھارتی وزیر اعظم نریندر مودی کو امریکہ - بھارت اسٹریٹجک شراکت داری کو بڑھانے اور ان کی قیادت کا اعتراف کرتے ہوئے 'لیجن آف میرٹ' کا تمغہ پیش کیا ہے۔
امریکی قومی سلامتی کے مشیر رابرٹ سی او برائن کے ہاتھوں وزیر اعظم مودی کی طرف سے امریکہ میں مقیم بھارتی سفیر ترنجیت سنگھ سندھو نے اس تمغہ کو قبول کیا۔
امریکہ میں مقیم بھارتی سفیر ترنجیت سنگھ سندھو نے اس تمغہ کو قبول کیا او برائن نے ایک ٹویٹ میں کہا 'صدر ٹرمپ نے بھارت- وزیر اعظم اسٹریٹجک شراکت داری کو بہتر بنانے میں ان کی قیادت کے لیے بھارتی وزیر اعظم نریندر مودی کو لیجن آف میرٹ پیش کیا'۔
واضح رہے کہ مودی کو لیجن آف میرٹ کا تمغہ چیف کمانڈر کے ساتھ پیش کیا گیا جو صرف کسی ملک کے سربراہ یا حکومت کو دیا جاتا ہے۔
لیجنین آف میرٹ ریاستہائے متحدہ امریکہ کی مسلح افواج کا ایک فوجی ایوارڈ ہے جو شاندار خدمات اور کارناموں کی کارکردگی میں غیر معمولی طور پر دیا جاتا ہے۔
مودی کو یہ ایوارڈ ان کی مستقل قیادت اور وژن کے اعتراف میں دیا گیا ہے، جنھوں نے عالمی طاقت کی حیثیت سے بھارت کی اہمیت کو منوایا ہے اور عالمی چیلنجوں سے نمٹنے کے لئے امریکہ اور بھارت کے مابین اسٹریٹجک شراکت کو نیا رخ دیا ہے۔
سابق میں مودی کو اور کون کونسے ایوارڈز ملے؟
- سعودی عرب میں آرڈر آف عبد العزیز آل سعود (2016)
- اسٹیٹ آرڈر آف غازی امیر امان اللہ خان (2016)
- گرینڈ کالر اسٹیٹ آف فلسطین ایوارڈ (2018)
- متحدہ عرب امارات کا شیخ زید ایوارڈ (2019)
- آرڈر آف سینٹ اینڈریو، روس (2019)
- نشان عزیزالدین، مالدیپ (2019)
او برائن نے ایک اور ٹویٹ میں کہا کہ ٹرمپ نے آسٹریلیائی وزیر اعظم اسکاٹ موریسن اور سابق جاپانی وزیر اعظم شنزو آبے کو بھی لیجن آف میرٹ پیش کیا۔ یہ ایوارڈ واشنگٹن ڈی سی میں ان کے متعلقہ سفیروں نے وصول کیا۔
انہوں نے کہا 'صدر ٹرمپ نے بے مثال قیادت اور وژن پر جاپانی وزیر اعظم شنزو آبے کو لیجن آف میرٹ سے نوازا ہے'۔
مزید پڑھیں:بھارت رام مورتی، امریکی اقتصادی کونسل کے ڈپٹی ڈائریکٹر منتخب
او برائن نے ٹویٹ کیا عالمی چیلنجوں سے نمٹنے اور اجتماعی سلامتی کو فروغ دینے میں ان کی قیادت کی وجہ سے ٹرمپ نے آسٹریلیائی وزیر اعظم اسکاٹ موریسن کو بھی لیجن آف میرٹ سے نوازا۔
