امریکی قومی سلامتی کے مشیر جیک سلیوان نے کہا ہے کہ امریکہ سیاسی اور سکیورٹی چینلز پر روزانہ کی بنیاد پر طالبان سے رابطے میں ہے۔
جیک سلیوان نے کہا کہ ان تمام امریکیوں کو افغانستان سے نکال سکتے ہیں جو 31 اگست تک نکلنا چاہتے ہیں، امریکی صدر بائیڈن اس وقت طالبان قیادت سے بات کرنے پرغور نہیں کررہے۔
یہ بھی پڑھیں: Taliban spokesperson: طالبان کی امریکہ کو تنبیہ
دوسری جانب ترجمان پینٹاگون جان کربی نے کہا ہے کہ ضرورت پڑی تو فوجی انخلا کی 31 اگست کی ڈیڈ لائن میں توسیع کا جائزہ لیں گے۔
یہ بھی پڑھیں: مقررہ وقت کے اندر افغانستان سے انخلا کا امکان بہت کم: ایڈم شیف
واضح رہے کہ اس سے قبل ترجمان طالبان سہیل شاہین نے کہا ہے کہ 31 اگست کے بعد غیر ملکی افواج کے رکنے کا مطلب قبضے میں توسیع سمجھا جائے گا۔ انہوں نے کہا تھا کہ ایک ہفتے میں افغانستان سے نہ نکلے تو نتائج بھگتنے کو تیار رہیں۔ جب تک ایک بھی امریکی فوجی افغانستان میں ہے، حکومت نہیں بنائیں گے۔
(یو این آئی)