امریکی انتخابات میں دھوکہ دہی ہوئی: برازیل

امریکہ میں صدارتی انتخابات کے دوران دھوکہ دہی کی بات ڈونلڈ ٹرمپ کے علاوہ برازیل کے صدر جیر بولسونارو نے بھی دہرائی ہے۔ تاہم انہوں نے اب تک کسی طرح کے شواہد کا انکشاف نہیں کیا ہے۔

برازیل کے صدر جیر بولسونارو نے کہا ہے کہ امریکہ میں تین نومبر کو ہوئے صدارتی انتخابات کے دوران بڑے پیمانے پر دھوکہ دہی ہوئی ہے۔

برازیلیائی ٹیلی ویژن نیٹ ورک ریڈے گلوبو نے جیر بولسونارو کے حوالے سے بتایا کہ 'میرے پاس اس سلسلے میں اطلاعات کے ذرائع ہیں جن کا میں انکشاف نہیں کرسکتا۔ وہاں (امریکی انتخابات میں) حقیقت میں بہت دھوکہ دہی ہوئی ہے اور کوئی بھی اس پر بحث نہیں کرتا ہے۔ صحیح نتائج کے لئے تھوڑا اور انتظار کررہا ہوں'۔

امریکہ کے اہم میڈیا آؤٹ لیٹس نے ڈیموکریٹک امیدوار جوبائیڈن کو تین نومبر کو ہوئے انتخابات میں فاتح قرار دیا ہے۔ سرکاری نتائج کا ابھی اعلان کیا جانا باقی ہے۔

امریکہ کی کئی ریاستوں میں انتخابی افسران نے مسٹر بائیڈن کے جیت کی تصدیق کی ہے۔ امریکی صدر ڈونالڈ ٹرمپ مسلسل یہ بات کہہ رہے ہیں کہ بڑی سطح پر دھوکہ دہی سے انہیں صدارتی انتخابات میں ہرایا گیا ہے۔