امریکہ بھارت میں 6 نیوکلیئر پلانٹ تعمیر کرے گا

امریکہ اور بھارت نے سکیورٹی اور سول نیوکلیئر کے شعبے میں تعاون جاری رکھنے کے عزم کے ساتھ بھارت میں 6 ایٹمی توانائی کے پلانٹز تعمیر کرنے کا عندیہ دیا ہے۔

امریکی محکمہ خارجہ کے اعلامیہ میں کہا گیا ہے کہ امریکہ اور بھارت کے مابین اسٹریٹیجک اینڈ سکیورٹی ڈائیلاگ کا نواں دور واشنگٹن میں ہوا۔

اجلاس میں دونوں ملکوں نے ہتھیاروں کے عدم پھیلاؤ اور ہتھیار غیر ریاستی عناصر کے ہاتھ لگنے سے بچاؤ کا عزم دہرایا۔

اس موقع پر دو طرفہ سکیورٹی اور سول نیوکلیئر تعاون بڑھانے کا عزم ظاہر کیا گیا جس کے تحت امریکہ بھارت میں 6 جوہری پلانٹ قائم کرے گا۔

اجلاس میں اسپیس کے تعلق سے خطرات کے بارے میں بھی تبادلہ خیال کیا گیا۔