امریکی ہوائی اڈے پر صفائی کے لئے استمعال ہوگا روبوٹ

پٹسبرگ بین الاقوامی ہوائی اڈے نے الٹرا وایلیٹ لائٹ ٹکنالوجی کے ساتھ مزین سیلف صفائی والے روبوٹ متعارف کروانے کے منصوبے کا اعلان کیا ہے۔

کورونا وائرس وبا کے پھیلاؤ کو کم کرنے کے لئے امریکہ کے ایک ہوائی اڈے کی صفائی کے لئے سیلف ڈرائیونگ فلور کلینگ مشین کے استعمال کا منصوبہ تیار کیا گیا ہے، تاکہ ہوائی اڈے کو وائرس کے اثر سے محفوظ رکھا جا سکے اور مسافروں کا اعتماد بحال ہو۔

پٹسبرگ بین الاقوامی ہوائی اڈے نے الٹرا وایلیٹ لائٹ ٹکنالوجی کے ساتھ مزین سیلف صفائی والے روبوٹ متعارف کروانے کے منصوبے کا اعلان کیا ہے۔

سیلف صفائی والے روبوٹ

ہوائی اڈے کے حکام کے مطابق اس قسم کا روبوٹ امریکی ہوائی اڈوں پر پہلی بار استعمال کیا جائے گا۔

اس روبوٹ کو زیادہ ٹریفک والے علاقوں میں جراثیموں کے خاتمے کے لئے ڈیزائن کیا گیا ہے اس طرح صفائی میں آسانی ہوتی ہے، اور جراثیم کا خاتمہ ہو جاتا ہے۔

واضح ہو کہ الٹرا وائلیٹ لائٹ ٹکنالوجی اسپتالوں میں وارڈوں اور کمروں میں صفائی کے لئے گزشتہ دہائیوں سے استعمال کیا جاتا رہا ہے، اب اسے کورونا وائرس کے پیش نظر ائیر پورٹ پر استعمال کیا جائے گا۔