امریکہ کے صدر جو بائیڈن نے پیرس ماحولیاتی معاہدہ اور عالمی صحت تنظیم میں امریکہ کے دوبارہ شامل ہونے کے ایگزیکٹو احکام پر دستخط کر دیئے ہیں۔
پیرس آب و ہوا کی تبدیلی معاہدہ میں امریکہ دوبارہ شامل ہوگا جو بائیڈن نے کہا کہ ’میں نے جو وعدہ کیا تھا اس کے مطابق ہم آج سے پیرس معاہدے میں شامل ہونے جا رہے ہیں‘۔
واضح رہے کہ امریکہ کے سابق صدر ڈونالڈ ٹرمپ نے امریکہ کو پیرس ماحولیاتی معاہدے اور ڈبلیو ایچ او سے الگ کر لیا تھا۔
امریکہ کے نو منتخب صدر جو بائیڈن مسٹر بائیڈن نے امریکہ-میکسکو سرحد پر دیوار کی تعمیر کو ملتوی کرنے کا ایگزیکٹو احکام پر دستخط کر دیئے ہیں۔
یہ بھی پڑھیں:
اقوامِ متحدہ میں دستاویزات جمع کرائے جانے کے 30 دن کے اندر اندر امریکہ ایک بار پھر اس معاہدے کا حصہ ہوگا۔
دنیا کے تمام ممالک نے سنہ 2015 میں ماحولیات کے تحفظ کے حوالے سے ایک معاہدے پر آمادگی ظاہر کی تھی جس کا مقصد عالمی سطح پر گرین ہاؤس گیسز کے اخراج کو کم کرنے اور دنیا کے درجۂ حرارت کو اس صدی کے دوران دو ڈگری سینٹی گریڈ سے زیادہ نہ بڑھنے دینے بلکہ اس میں اضافے کو ایک اعشاریہ پانچ تک رکھنے کی کوشش کرنا ہے۔
امریکہ کے صدر کے اقدامات پر اقوامِ متحدہ کے سیکریٹری جنرل نے ایک بیان میں کہا ہے کہ وہ صدر جو بائیڈن اور دیگر عالمی رہنماؤں کے ہمراہ ماحولیاتی ایمرجنسی اور کرونا وائرس کے خاتمے کے حوالے سے انتہائی قریب سے کام کے خواہاں ہیں۔
