امریکہ میں کورونا متاثرین کی تعداد 13 لاکھ سے تجاوز

امریکہ میں کورونا وائرس کا قہر رکنے کا نام نہیں لے رہا ہے اور دن بہ دن خطرناک شکل اختیار کرتا جارہا ہے۔ اب تک یہاں 13 لاکھ سے زائد افراد اس وبا سے متاثر ہوچکے ہیں۔

امریکہ میں کورونا سے متاثرہ مریضوں کی تعداد بڑھ کر 13 لاکھ سے زائد ہوچکی ہے۔

جان ہا پکنز یونیورسٹی کے مطابق امریکہ میں کورونا کے اب تک 1300079 کیسز سامنے آئے ہیں۔ کورونا وائرس سے یہاں اب تک 78320 افراد ہلاک ہوئے ہیں۔

جان ہاپکنز یونیورسٹی کے مطابق نيويارک میں سب سے زائد 333122 کیسز سامنے آئے ہیں جبکہ یہاں 26563 مریض ہلاک ہو ئے ہیں۔

نیو جرسی میں 137397 افراد متاثر ہوئے ہیں اور یہاں 9116 افراد ہلاک ہوئے ہیں۔

میسا چوسٹس، ایلی نوائے، کیلی فورنیا اور پنسلوانیا میں کورونا سے متاثرہ مریضوں کی تعداد 50000 سے تجاوز کر گئی ہے۔