اقوام متحدہ کے سیکریٹری جنرل نے کورونا کا ٹیکہ لگوایا

اقوام متحدہ کے سیکریٹری جنرل انٹونیو گوٹریس نے کورونا ویکسین کی پہلی خوراک لے لی ہے۔

امریکہ کے شہر نیو یارک کے ایک کووڈ 19 سینٹر میں اقوام متحدہ کے سیکریٹری جنرل انٹونیو گوٹریس کو کورونا وائرس کا ٹیکہ لگایا گیا۔

مسٹر گوٹریس نے ٹویٹ کرکے یہ اطلاع دی۔

انہوں نے ٹویٹر پر لکھا کہ ’آج کورونا ویکسین کی پہلی خوراک لینے کے بعد میں نے اپنے آپ کو بہت خوش قسمت محسوس کیا اور اس کے لیے سبھی کا شکریہ ادا کرتا ہوں‘۔

اقوام متحدہ کے سیکریٹری جنرل نے کہا کہ ہر ایک کو یہ یقینی بنانا چاہئیے کہ دنیا کے ہر فرد کو کورونا ویکسین دستیاب ہو۔

اقوام متحدہ کے سیکریٹری جنرل نے کورونا کی ویکسین لی

انہوں نے کہا کہ ’وبا کے اس مرحلے میں ہم میں سے کوئی بھی اس وقت تک محفوظ نہیں ہے جب تک کہ سب محفوظ نہیں ہو جاتے‘۔

اس سے قبل، گوٹریس نے صحافیوں کو بتایا کہ سنہ 2021 میں ان کا پیغام امید اور عزم کا ہے۔