کورونا وائرس وبائی مرض کے درمیان فلم کو دیکھنے کے خواہاں افراد کے لئے ایک انوکھا تجربہ 'ڈرائیو ان مووی تھیٹر' کیا جارہا ہے۔
برطانیہ کی ملکہ الزابیتھ نے سینڈرنگھم میں اسٹیٹ ڈرائیو ان تھیٹر کے ذریعے عملی طور پر ڈرائیو ان تھیٹر کا آغاز کیا ہے۔
خیال رہے کہ ڈرائیو ان تھیٹرسے مراد یہ ہے کہ فلمی شائقین اپنی نجی گاڑیوں میں بیٹھ کر فلم کا نظارہ کرتے ہیں۔ اس کے ذریعے فلموں کو اوپن تھیٹر میں بڑی اسکرین کے تحت پیش کیا جاتا ہے۔ اس اوپن تھیٹر میں کم از کم دوسو کاروں یا گاڑیوں کو پارک کرنے کی گنجائش ہوتی ہے۔
اطلاع کے مطابق انگلینڈ کے نورفولک میں واقع سینڈرنگھم اسٹیٹ میں پہلے سے رجسٹریشن کے بعد لوگوں نے شرکت کی۔
ملکہ برطانیہ الزابیتھ نے کہا ہے کہ 'برطانیہ کورونا وائرس سے جنگ جیت جائے گا اور اچھے دن جلد واپس آئیں گے'۔
برطانیہ کی 93 برس کی ملکہ نے اپنے خطاب میں کہا کہ 'مجھے معلوم ہے کہ میں اس مشکل دور میں آپ سب سے بات کر رہی ہوں‘۔
ڈرائیو ان مووی تھیٹر کے تحت ٹائے اسٹوری، موانا، اے اسٹار ایس بورن، 1917 اور اس طرح کی دیگر فلموں کو دیکھنے کا شیڈول بنایا گیا ہے۔
اسٹیٹ کی ویب سائٹ میں کہا گیا ہے کہ اس دوران شرکا سافٹ ڈرنکس، الکحل مشروبات اور نمکین کا استعمال کر سکتے ہیں۔
ملکہ نے مزید کہا کہ 'ہم جلد ہی اپنے دوستوں اور خاندان کے ساتھ ہوں گے اور ہم ایک بار پھر جلد ملیں گے، الگ تھلگ رہنا کئی بار کافی مشکل ہوتا ہے'۔
