مسئلہ کشمیر پر ٹرمپ کی مودی اور عمران سے بات چیت

امریکہ کے صدر ڈونلڈ ٹرمپ نے کشمیر مسئلے کو’مشکل حالات‘ مانتے ہوئے وزیر اعظم نریندر مودی اور پاکستان کے وزیر اعظم عمران خان سے اس معاملے پر بات کی ہے اور دونوں رہنماؤں کو کشیدگی کم کرنے کا مشورہ دیا ہے۔

ٹرمپ نے ٹوئٹ کر کے کہا’’میں نے اپنے دو اچھے دوستوں مودی اور خان سے کاروبار، اسٹریٹجک شراکت داری اور سب سے اہم کشمیر مسئلے کو لے کر پیداہونے والی کشیدگی کو کم کرنے کے سلسلہ میں بات چیت کی۔ دونوں رہنماؤں سے مشکل حالات میں لیکن اچھی بات چیت ہوئی ہے۔

مسئلہ کشمیر پر ٹرمپ کی مودی اور عمران سے بات چیت

قابل غور ہے کہ جموں و کشمیر کو خصوصی ریاست کا درجہ ختم کرنے اور اسے مرکز کے زیر انتظام دوصوبوں - جموں و کشمیر اور لداخ کی تشکیل کرنے کے حکومت ہند کے فیصلے سے پاکستان خاصا ناراض ہے اور دونوں ممالک کے درمیان کشیدگی عروج پر ہے۔ ہندوستان کے فیصلے کا روس سمیت کئی ممالک نے حمایت کی ہے جبکہ مسٹر خان نے مسٹر ٹرمپ سے اس معاملہ میں ثالثی کرنے کی اپیل کی ہے.