امریکی صدر ڈونلڈ ٹرمپ نے منگل کے روز پورے ملک میں کوروناوائرس کے بڑھتے ہوئے معاملات کی سنگین پیش گوئی کی ہے اور کہاہے کہ شاید بدقسمتی سے بہتری سے پہلے مہلک بیماری سے حالت بدتر ہوجائے گی۔
تین ماہ کے وقفے کے بعد ٹرمپ نے وائٹ ہاؤس میں اپنی پہلی پریس بریفننگ میں کہا کہ' ممکنہ طور پر بدقسمتی سے کوروناوائرس کے بہتر ہونے سے پہلے ہی اس سے حالت بدتر ہوجائے گی، میں جن چیزوں کے بارے میں کہنا پسند نہیں کرتا ہوں لیکن ایسا ہی ہے۔'
کووڈ 19 سے وابستہ معاملات پر خود توجہ نہ دینے اور ماسک نہ پہننے کے کئی ہفتوں کے بعد ٹرمپ نے امریکی شہریوں پر بھی زور دیا کہ وہ وائرس کے پھیلاؤ کو کم کرنے کے لئے ماسک پہنیں اور سماجی دوری پر عمل کریں۔
یہ بھی پڑھیں
امریکی صدر نے ٹویٹر پر ایک تصویر میں ماسک پہنے کے ایک دن بعد کہا کہ' ہم سب سے پوچھ رہے ہیں کہ جب آپ معاشرتی طور پر دوری نہیں رکھ رہے ہیں تو تب ایک ماسک پہنے۔ چاہے آپ کو ماسک پسند ہے یا نہیں لیکن اس سے آپ خود کو کوروناوائرس سے محفوظ رکھ سکتے ہیں۔'
واضح رہے کہ منگل کو ٹرمپ کی بریفنگ کی بحالی اس وقت ہوئی جب امریکہ میں کورونا وائرس کے تصدیق شدہ کیسز کی تعداد 3.8 ملین سے زائد ہوگئی۔
اس دوران ٹرمپ نے ملک میں کورونا وائرس کی وجہ سے اموات کی کمی اور کووڈ 19 ویکسین اور علاج سے متعلق پیشرفت پر بھی زور دیا جسے انہوں نے بار بار 'چین وائرس' کہا ہے۔ انہوں نے امریکی شہریوں کو ماسک پہننے کو جاری رکھنے کو کہا جب معاشرتی دوری ممکن نہیں ہے۔
