ٹرمپ نے بائیڈن کی جیت کو چیلنج کرنے کا اعلان کیا

ٹرمپ نے کہا کہ بائیڈن کے اس غلط دعوے میں ان کےمیڈیا کے ساتھی بھی ان کے معاون ہیں۔ یہ لوگ سچ کو سامنے نہیں آنے دینا چاہتے اور سچ تو یہ ہے کہ الیکشن ابھی خاتمے سے بہت دور ہے۔

امریکی صدارتی الیکشن میں ڈیموکریٹ امیدوار جو بائیڈن کی جیت کے امریکی میڈیا کی جانب سے اعلان پر صدر ڈونیلڈٹرمپ نے اپنے ردعمل میں جو بائیڈن کی جیت کو چیلنج کرنے کا اعلان کردیا ہے۔

مسٹر ٹرمپ نے کہا ہے کہ الیکشن کے نتائج کو اگلے ہفتے عدالت میں چیلنج کیا جائے گا۔ ’’ہم سب جانتے ہیں بائیڈن کیوں اتنی جلدی فتح کا دعویٰ کر رہے ہیں‘‘۔

مسٹر ٹرمپ نے کہا کہ بائیڈن کے اس غلط دعوے میں ان کےمیڈیا کے ساتھی بھی ان کے معاون ہیں۔ یہ لوگ سچ کو سامنے نہیں آنے دینا چاہتے اور سچ تو یہ ہے کہ الیکشن ابھی خاتمے سے بہت دور ہے۔