سان فرانسسکو کرانیکل نے ہفتے کے روز بتایا کہ رواں ہفتہ آکلینڈ چڑیا گھر میں ٹائیگر، جنجر اور مولی کو کورونا ویکسین کی پہلی خوراک دی گئی، اس چڑیا گھر میں کورونا ویکسین لینے والے یہ دونوں پہلے جانور ہیں۔
کورونا ویکسین کی یہ خوراک نیو جرسی میں ویٹرنری دوا ساز کمپنی زوٹس نے تیار کی تھی اور اسی کمپنی کی جانب سے جانوروں کو ویکسین دی گئی۔
چڑیا گھر میں ویٹرنری سروسز کے نائب صدر الیکس ہرمن نے کہا کہ کسی بھی جانور میں کورونا وائرس کی تشخیص نہیں ہوئی ہے لیکن وہ اس سلسلے میں متحرک رہنا چاہتے ہیں۔
ٹائیگرز، ریچھ ، پہاڑی شیر اور فیریٹس نے کورونا ویکسین کی پہلی خوراک لے لی ہے جبکہ ابھی دیگر کو ویکسین دینی باقی ہے۔
پریس ریلیز کے مطابق زوئٹس تقریبا 70 چڑیا گھروں میں رہنے والے جانوروں کے علاوہ 27 ریاستوں میں واقع ایک درجن سے زائد کنزرویٹریز، سینکچوریز، تعلیمی اداروں اور سرکاری تنظیموں کے لئے 11،000 سے زیادہ خوراکیں عطیہ کر رہی ہیں۔
