تائیوان کو امریکی اسلحے کی فراہمی کی ضرورت: ایڈمرل ڈیوڈسن

امریکی ایڈمرل فلپ ڈیوڈسن نے کہا ہے کہ تائیوان کو طاقتور امریکی اسلحے کی فراہمی کی جانی چاہیے تاکہ وہ دفاعی شعبے میں کسی بھی طرح کے چیلینج کا سامنا کر سکے۔

امریکی فوج کے انڈو پیسیفک کمانڈ کے سربراہ ایڈمرل فلپ ڈیوڈسن نے کہا ہے کہ صدر جو بائیڈن کی انتظامیہ کو تائیوان کو طاقتور اسلحے کی فراہمی کی حکمت عملی کو آگے بڑھانا چاہیے تاکہ وہ چینی خطرے کا سامنا کرسکے۔

ایڈمرل فلپ ڈیوڈسن نے ہوائی میں امریکی انٹرپرائز انسٹی ٹیوٹ پوڈ کاسٹ سے خطاب کرتے ہوئے کہا کہ تائیوان کی فوجی صلاحیت کو بڑھانا امریکی حکمت عملی کا ایک بہت اہم پہلو ہے۔

تائیوان کو طاقتور امریکی اسلحے کی فراہمی کی جانی چاہیے تاکہ وہ دفاعی شعبے میں کسی بھی طرح کے چیلینج کا سامنا کر سکے۔

ایڈمرل فلپ ڈیوڈسن نے کہا کہ 'میں اس تعلق سے بہت فکر مند ہوں کہ چین کی پیپلز لبریشن آرمی کی فوجی صلاحیت کا سامنا تائیوان آئندہ چھ برسوں کے دوران کیسے کرے گا کیونکہ پی ایل اے کے پاس جدید ترین جنگی طیارے اور بم برسانے والے طیارے ہیں'۔

یو این آئی