امریکی ریاست کیلیفورنیا کے جنگلات میں تیزی سے پھیل رہی خوفناک آگ کو بجھانے کے لئے 1300 فائر فائٹرز مصروف ہیں۔
کیلیفورنیا کے محکمہ جنگلات اور فائر پروٹیکشن کے ذریعہ جاری کردہ تازہ ترین اطلاع کے مطابق آگ جمعہ کو شروع ہوئی تھی اور اب تک 20،516 ایکڑ رقبے میں پھیل چکی ہے۔
فائر بریگیڈ کے 1360 اہلکار آگ بجھانے کے لئے ہیلی کاپٹروں کے ساتھ مصروف عمل ہیں لیکن اب تک وہ آگ پر قابو نہیں پاسکے ہیں۔
آگ کو بجھانے کے لئے ہیلی کاپٹروں کے علاوہ پانی ڈالنے والے ہوائی جہاز اور ٹرک بھی آگ بجھانے میں مصروف عمل ہیں۔
محکمہ فائر فائر نے ایک ٹوئیٹ میں کہا ہے کہ اگرچہ ابھی تک کسی کے جھلسنے کی کوئی اطلاع نہیں ہے تاہم ایک خاندان کا گھر اور دو علیحدہ عمارتیں آگ لگنے کی وجہ سے جل کر خاک ہوگئی ہیں- آ گ لگنے کی تحقیقات کی جارہی ہیں۔
عہدیداروں نے بتایا کہ جنگل کے علاقے میں آتشزدگی کے باعث لگ بھگ آٹھ ہزار مقامی شہریوں کو محفوظ مقامات پر لے جایا گیا ہے۔
مقامی این بی سی نیوز کے مطابق اس آگ سے 2500 مکانات پر خطرات منڈلانے لگےہیں، جن سے نمٹنے کے لئے چھ ہیلی کاپٹر اور چھ ایئر ٹینکر موجود ہیں۔
اس کے علاوہ آگ بجھانے کے لئے ہفتے کے روز تقریبا 19 ہزار گیلن پانی کا چھڑکاؤ کیا گیا۔ محکمہ جنگلات کے مطابق اتوار کے روز قریب ایک درجن جگہوں پر آگ لگ گئی ہے۔
