کیلیفورنیا میں کورونا وائرس کا دوسرا معاملہ سامنے آیا

امریکہ میں صوبہ کیلیفورنیا کے سان ڈیاگو میں کورونا وائرس کا دوسرا معاملہ سامنے آیا ہے۔

امریکی سینٹر فار ڈیزیز کنٹرول اینڈ پریونشن کے افسر کے بیان کے مطابق کورونا وائرس سے متاثر پائے گئے مریض سان ڈیاگو کے کاؤنٹی اسپتال میں زیرِ علاج ہیں ۔

امریکہ میں کورونا وائرس کے اب تک 14 معاملات کی تصدیق کی جا چکی ہے ۔ چین کے ووہان شہر کو چھوڑ کر آنے والے 232 امریکی شہریوں میں شامل ایک خاتون میں اس انفیکشن کی تصدیق ہونے کے ساتھ ہی پیر کے روز سان ڈیاگو میں کورونا وائرس کا پہلا معاملہ سامنے آیا ہے۔

چین کے صوبہ ہوبئی میں کورونا وائرس سے متاثر افراد کی تعداد میں 44 فیصد اضافہ درج کیا گیا ہے، جوکہ 33366 سے بڑھ کر 48206 ہو گئی ہے جبکہ مرنے والوں کی تعداد بڑھ کر 1310 ہو گئی ہے۔ اسپتال سے 3411 مریضوں کو چھٹی دے دی گئی ہے ۔