فائزر 70 ملین کی کووڈ ادویات بھارت کو عطیہ کرے گا

فائزر کے چیئرمین نے کہا کہ "ہم یہ دوائیں عطیہ کر رہے ہیں تاکہ اس بات کو یقینی بنایا جاسکے کہ ملک بھر کے ہر سرکاری اسپتال میں ہر کووڈ 19 مریض فائزر کی دوائیں بغیر کچھ خرچ کئے حاصل کر سکیں۔"

گلوبل فارما کمپنی فائزر کے چیئرمین اور سی ای او البرٹ بورلا نے پیر کے روز کہا کہ کمپنی اپنی امریکہ، یورپ اور ایشیاء کے تقسیم مراکز سے 70 ملین امریکی ڈالر (510 کروڑ روپے سے زائد) کی لاگت سے تیار اپنی دواؤں کو بھارٹ میں کووڈ 19 کے علاج کے لئے بھیج رہا ہے۔

انہوں نے فائزر انڈیا کے ملازمین کو ارسال کردہ ایک میل میں کہا کہ "ہم لوگ بھارت میں کووڈ 19 کی سنگین صورتحال سے کافی فکر مند ہیں''۔ بعد میں اس میل کو انہوں نے اپنے لنکڈ ان پر شیئر کیا۔

بورلا نے کہا کہ "ہم اس بیماری کے خلاف بھارت کی لڑائی میں شراکت دار بننے کے لئے پرعزم ہیں اور تیزی سے اپنی کمپنی کی تاریخ میں سب سے بڑی انسانی امدادی کوششوں کو متحرک کرنے کے لئے کام کر رہے ہیں۔"

انہوں نے مزید کہا کہ فی الحال امریکہ، یورپ اور ایشیاء میں تقسیم کار مراکز میں فائزر کے ساتھی فائزر کی دوائیں بھیجنے میں تیزی سے کام کر رہے ہیں جن کی حکومت ہند نے اپنے کووڈ 19 علاج معالجے کے ایک حصے کے طور پر نشاندہی کی ہے۔

بورلا نے کہا کہ "ہم یہ دوائیں عطیہ کر رہے ہیں تاکہ اس بات کو یقینی بنایا جاسکے کہ ملک بھر کے ہر سرکاری اسپتال میں ہر کووڈ 19 مریض فائزر کی دوائیں بغیر کچھ خرچ کئے حاصل کر سکیں۔"

یہ ادویات، جن کی مالیت 70 ملین امریکی ڈالر سے زیادہ ہے، کو فوری طور پر دستیاب کروایا جائے گا اور "ہم حکومت اور اپنی این جی او کے شراکت داروں کے ساتھ مل کر کام کریں گے تاکہ انھیں جہاں ضرورت ہے وہاں پہنچایا جا سکے۔"