امریکہ : ہنگامی حالات کے لیے کورونا ویکسین کی اجازت طلب

دنیا بھر میں سب سے زیادہ کورونا متاثرین امریکہ میں ہیں، یہاں کورونا ویکسین پر جلد فیصلہ کرنے کے لیے دباؤ جاری ہے۔ اگر ویکسین کے ہنگامی استعمال کی اجازت دی جاتی ہے تو مزید متاثرین کی تعداد کو کم کیا جا سکتا ہے۔

امریکی ملٹی نیشنل دواساز کارپوریشن 'فائزر' نے جمعہ کو کہا کہ کمپنی نے امریکہ میں ہنگامی صورتحال کے مد نظر کورونا ویکسین کے استعمال کی اجازت طلب کی ہے۔

ایف سی ڈی کے ویکسین ڈویژن کے ایک سابق ڈائریکٹر جیسی گڈمین نے کہا کہ ہنگامی استعمال کی اجازت ایف ڈی اے کو قانون کے ذریعہ دیا گیا ایک اختیار ہے، جس کا مقصد بنیادی طور پر صحت عامہ کی ہنگامی صورت حال سے متعلق مدد فراہم کرنا ہے۔

فائزر انکارپوریشن کی یہ کارروائی، جرمن پارٹنر بائیو ٹیک کے اس اعلان کے بعد کی گئی، جس میں کہا گیا کہ اس کی ویکسین کورونا کے 95 فیصد معاملات کو روکنے میں کار آمد ثابت ہو رہی ہے۔

کمپنیوں نے کہا کہ تحفظ اور اچھے حفاظتی ریکارڈ کا مطلب یہ ہے کہ ویکسین ہنگامی استعمال کی اجازت کے لئے اہل ہوجائے، جس کی اجازت فوڈ اینڈ ڈرگ ایڈمنسٹریشن حتمی جانچ مکمل ہونے سے قبل دے سکتی ہے۔

دنیا بھر میں سب سے زیادہ کورونا متاثرین امریکہ میں ہیں اور اس سلسلے میں جلد فیصلہ کرنے کے لیے دباو جاری ہے۔

فائزر کی ویکسین سے متعلق فیصلے سے پائپ لائن میں موجود دیگر کوویڈ 19 ویکسین پر اثر نہیں پڑے گا ، جن کے بارے میں الگ الگ فیصلہ کیا جائے گا۔