کیوبا کا کہنا ہے کہ امریکہ کی جانب سے اس کے رم اور سگار کی درآمد اور کیوبا کے ملکیت والے ہوٹلوں میں امریکی سیاحوں کے رہنے پر روک سمیت اس کے خلاف لگائی گئی پابندیوں سے امریکی شہریوں کے حقوق کی خلاف ورزی ہوگی اور اس سے دونوں ممالک کے لوگوں کو نقصان ہوگا۔
کیوبا کے وزیر خارجہ برونو روڈریگز پرلیلا نے جمعرات کے روز ٹویٹ کیا امریکی مسافر کو کیوبا کی ملکیت والے ہوٹلوں میں ٹھہرنے پر روک اور کیوبا سے رم اور سگار کی درآمد پر پابندی لگانے سےامریکی شہریوں کے حقوق کی خلاف ورزی ہوگی اور دونوں ممالک کے لوگوں کو نقصان ہوگا۔
کیوبا کے دشمنوں کو اگر محسوس ہوتا ہے کہ صدر ڈونلڈ ٹرمپ کی جانب سے ان انتخابی اور موقع پرست اقدامات سے ہمیں توڑا جاسکتا ہے تو وہ غلط ہیں۔
واضح رہے کہ مسٹر ٹرمپ نے بدھ کے روز کیوبا کے خلاف نئی پابندیوں کا اعلان کیا جس کے مطابق امریکی دائرہ اختیار کے تحت کسی بھی شخص کو کیوبا حکومت کے زیر ملکیت یا زیر کنٹرول ہوٹل میں رہنے کی اجازت نہیں ہوگی۔