امریکہ کی فارما کمپنی ماڈرنا کے کورونا وائرس کی وباکو روکنے کے لئے تیار کئے جارہے ویکسین کی قیمت 25سے 37ڈالر کے درمیان ہوگی۔
کمپنی کے چیف ایکزیکیو افسر (سی ای او) اسٹیفن بینسل نے اتوار کو جرمن ویلٹ ایم سونمگ اخبار کو بتایا کہ وہ یوروپی یونین کے ویکسین کی سپلائی کے معاہدہ کے قریب ہے۔
مسٹر بینسل کے مطابق وبا کی سنگینی کے پیش نظر کووڈ۔19مریضوں کیلئے یہ ویکسین کی مناسب قیمت ہے۔ انہوں نے کہاکہ سپلائی کی مقدار کے مطابق فی خوراک کی قیمت الگ الگ ہوگی۔
انہوں نے کہاکہ کمپنی کو اس برس کے آخر تک ٹیکہ کی دو کروڑ خوراک تیار ہونے کی امید ہے اور یورپی یونین کو اس برس تک یہ کم مقدار میں دستیاب ہوگی۔ انہوں نے کہا کہ کچھ دنوں کے اندر یوروپی یونین کے ساتھ اس پرمعاہدہ ہونے کی امید ہے۔
خیال رہے کہ پیر کو کمپنی نے کووڈ کے تیسرے مرحلہ کے ٹیکہ کو 94.5فیصداثردار قرار دیا تھا۔
