میکسکو کی مورالس کو سیاسی پناہ دینے کی پیشکش

میکسکو نے بولیویا میں جاری کشیدگی اور عدم استحکام کے درمیان استعفی دینے پر مجبور ہونے والے صدر ایوو مورالس کو سیاسی پناہ دینے کی پیشکش کی ہے۔

میکسکو کے وزیر خارجہ مارسلو ابراڈ نے ٹوئٹ کرکے کہا کہ 'میکسکو نے پناہ دینے اور مداخلت نہ کرنے کی اپنی روایت پر عمل کرتے ہوئے بولیویا کے افسروں کو پناہ دی۔ ہم مورالس کو بھی پناہ دینے کی پیش کش کرتے ہیں'۔

واضح رہے کہ 'بولیویا میں جاری احتجاجی مظاہروں کے درمیان صدر ایوو مورالس اور نائب صدر الویرو گارسیا لنیرا نے اتوار کے روز اپنے عہدے سے استعفی دے دیا ہے۔ مورالس او لنیرا نے فوج کے کمانڈر ولیم کلیما کے اصرار پر تشدد کے درمیان استعفی دینے کا اعلان کیا۔

مورالس کے انتخابات میں دوسری بار فاتح رہنے کے بعد 20 اکتوبر سے وہاں مظاہرے ہو رہے ہیں۔ بولیویا کی اپوزیشن پارٹی نے انتخابی نتائج میں دھاندلی کا الزام لگاتے ہوئے اسے تسلیم کرنے سے انکار کر دیا تھا۔