میکسکو: سڑک حادثہ میں آٹھ افراد کی موت

شمالی میکسکو کے ڈورانگو میں ایک وین کے ٹریکٹر سے ٹکرا جانے کے سبب دو خواتین سمیت آٹھ لوگوں کی موت جبکہ چھ دیگر زخمی ہوگئے۔

شمالی میکسکو کے ڈورانگو میں وین اور ٹریکٹر میں زبردست ٹکر ہوئی ہے۔ اس حادثہ میں دو خواتین سمیت آٹھ افراد ہلاک ہوگئے، جبکہ چھ دیگر زخمی ہوگئے۔

مقامی افسران کے مطابق یہ حادثہ پوبیلو نوئیوو میونسپل کاپوریشن علاقے کے سین میگل ڈی کروز اورکویوٹس کے گاؤں کو جوڑنے والی شاہراہ پر مقامی وقت کے مطابق جمعے کی شام سات بجکر 15 منٹ پر پیش آیا۔

زخمیوں کو ڈورانگو کی راجدھانی ال سالٹو کے اسپتال میں داخل کرایا گیا ہے۔ پولیس معاملے کی جانچ کررہی ہے۔