کِم کی وعدہ خلافی مایوس کن: پومپيو

امریکی وزیر خارجہ مائیک پومپيو نے کہا کہ شمالی کوریا کے سربراہ کِم جونگ اُن نے جوہری تجربہ روکنے کا اپنا وعدہ توڑا تو یہ مایوس کن ہوگا۔

پومپيو نے منگل کو ایک انٹرویو میں کہا کہ ’’اگر شمالی کوریا کے سربراہ کم صدر ٹرمپ کے ساتھ کئے گئے وعدے کو توڑتے ہیں تو یہ بہت مایوس کن ہوگا۔ہم اپنی عہد بستگی پر کھرے اترے ہیں۔ ہم امید کرتے ہیں کہ وہ (کم )بھی ان کے ساتھ رہیں گے‘‘۔

اس سے قبل کم جونگ نے کہا کہ اگر امریکہ اپنی دشمن پالیسیوں کو جاری رکھتا ہے تو شمالی کوریا مستقبل قریب میں ایک نئے اسٹریٹجک ہتھیار کو ظاہر کرے گا۔