امریکی شہریوں کو 2022 میں بھی ماسک پہننا ہوگا: ڈاکٹر فاؤچی

امریکی ماہر متعدی امراض ڈاکٹر انتھونی فاؤچی نے کہا ہے کہ اس بات کا امکان ہے کہ امریکی شہریوں کو سنہ 2022 میں بھی ماسک پہننا ہوگا۔

امریکی حکومت میں کورونا سے متعلق سینئر اہلکار ڈاکٹر انتھونی فاؤچی نے کہا ہے کہ اس بات کا امکان ہے کہ امریکیوں کو سنہ 2022 میں بھی ماسک پہننا ہوگا۔

ڈاکٹر فاؤچی نے مزید کہا کہ ماسک پہننا نہ پہننا اس وقت کے حالات پر منحصر ہوگا۔

انھوں نے کہا کہ وہ صدر جو بائیڈن سے اس بات پر متفق ہیں کہ اس برس کے آخر تک حالات نارمل ہوجائیں گے۔

ڈاکٹر انتھونی فاؤچی

خیال رہے کہ کورونا وائرس سے دنیا بھر میں سب سے زیادہ متاثر امریکہ ہے جہاں اب تک اس موذی وبا سے پانچ لاکھ افراد ہلاک اور کروڑوں افراد متاثر ہوچکے ہیں۔ اب بھی لاکھوں افراد کی جان لیوا وبا سے حالت سنگین بتائی جارہی ہے۔

یو این آئی