لاہور دھماکہ کے مبینہ ماسٹرمائنڈ سے متعلق اہم انکشافات

اس سے قبل لاہور دھماکے کے مبینہ ماسٹرمائنڈ پیٹرپال ڈیوڈ کی تصویر اور گھر کی ویڈیو سامنے آئی تھی۔ تاہم پیٹرپال ڈیوڈ کے اہل خانہ چھاپے کے بعد نامعلوم مقام پر روپوش ہوگئے تھے۔

گزشتہ دنوں لاہور میں ہونے والے دھماکے کے سلسلے میں تحقیقاتی اداروں نے مبینہ ماسٹر مائنڈ کی مزید شناختی دستاویزات حاصل کر لی ہیں۔

ذرائع کے مطابق دستاوِیزات میں شناختی کارڈ، لائسنس اور تصاویر شامل ہیں۔ مبینہ ماسٹرمائنڈ پیٹر ڈیوڈ پال کا شناختی کارڈ، لائسنز میں موجود تصویر اور امیگریشن کی تصویر اے آر وائی نیوز نے حاصل کر لی ہیں۔

تحقیقاتی ذرائع کے مطابق پیٹر ڈیوڈ پال 25 سال سے بحرین میں مقیم تھا، شناختی کارڈ کے مطابق پیٹر ڈیوڈ پال کی تاریخ پیدائش 1964 ہے۔ مبینہ ملزم کا شناختی کارڈ 22 اپریل 2029 تک کارآمد ہے جب کہ ملزم کا عارضی اور مستقل پتہ محمودآباد کا ہی درج کیا گیا۔

ڈیوڈ نے ڈرائیونگ لائسنس کراچی کلفٹن برانچ سے حاصل کیا تھا۔ پیٹر ڈیوڈ پال چار مرتبہ کلفٹن ڈرائیونگ لائسنس برانچ گیا۔ پہلی مرتبہ بک لائسنس کو کارڈ لائسنس میں تبدیل کروایا۔

پہلا لائسنسن صرف موٹر سائیکل کا بنوایا گیا تھا اور 1984 میں بنوائے گئے لائسنس کی 17 مئی 2026 تک تجدید کرائی ہے۔

اس سے قبل لاہور دھماکے کے مبینہ ماسٹرمائنڈ پیٹرپال ڈیوڈ کی تصویر اور گھر کی ویڈیو سامنے آئی تھں تاہم پیٹرپال ڈیوڈ کے اہل خانہ چھاپے کے بعد نامعلوم مقام پر روپوش ہوگئے تھے۔

پڑوسی نے بیان میں کہا کہ ڈیوڈ کی بیوی اور بیٹا آج صبح گھر کا تالہ لگا کر چلے گئے، ڈیوڈ کا ایک بیٹا ڈینزل کچھ عرصے پہلے ڈانس پارٹی میں زخمی بھی ہوا تھا، ڈینزل ڈانس پارٹیوں میں منشیات اور لڑکیاں سپلائی کرتا تھا، ڈینزل ان دنوں بحرین میں ہے جبکہ دوسرا بیٹا کیمنگ کراچی میں ہے۔