جو بائیڈن کا عالمی ادارہ صحت میں شمولیت کا فیصلہ

امریکہ کے نئے صدر جو بائیڈن نے عالمی ادارہ صحت میں دوبارہ شامل ہونے کا فیصلہ کیا ہے۔

امریکہ کے نئے صدر 78 سالہ جو بائیڈن نے امریکہ کے 46 ویں صدر کی حیثیت سے منصب سنبھالتے ہی کئی صدارتی حکم ناموں پر دستخط کر دیئے ہیں۔

گذشتہ روز جو بائیڈن نے ملک کے 46 ویں صدر کی حیثیت سے حلف اٹھانے کے چند گھنٹوں بعد انہوں نے سابقہ ​​معاہدوں کو واپس لینے کا اعلان کیا، جن کا فیصلہ سابق صدر ڈونلڈ ٹرمپ نے گذشتہ برس کے اوائل میں کیا تھا۔

امریکہ کے نئے صدر جو بائیڈن

اس سے قبل جولائی میں جو بائیڈن نے اپنے ٹویٹ میں کہا تھا کہ جب وہ اقتدار میں آئیں گے تو وہ پہلے ہی دن ڈبلیو ایچ او میں شامل ہوں گے اور میں عالمی سطح پر قیادت بحال کروں گا۔

میڈیا کے مطابق صدر نے رواں ہفتہ کے آخر میں امریکی وفد کی ڈبلیو ایچ او کی سالانہ میٹنگوں کی رہنمائی کے لیے ملک کے متعدی بیماریوں کے اعلیٰ ماہر انتھونی فوسی کو منتخب کیا ہے۔

قابل ذکر ہے کہ مسٹر ٹرمپ اور ان کی انتظامیہ نے ڈبلیو ایچ او سے مسلسل دوریاں بنائیں۔ ماہرین اور ڈیموکریٹس کی طرف سے اس پر تنقید کی گئی تھی کہ ٹرمپ انتظامیہ کوڈ 19 کے حوالہ سے دوسروں پر الزام ڈال رہے ہیں۔

ڈاکٹر انتھونی فوسی

صدر جو بائیڈن کے کووڈ 19 کے اعلی میڈیکل ایڈوائزر ڈاکٹر انتھونی فوسی نے آج عالمی ادارہ صحت کے لیے امریکی حمایت کی تجدید کا اعلان کرتے ہوئے کورونا وائرس اور دیگر عالمی صحت سے متعلق امور سے نمٹنے کے لیے نئی وابستگی ظاہر کی۔

دوسرے ممالک اور ڈبلیو ایچ او کے سربراہ نے امریکی اعلانات کا خیرمقدم کرتے ہوئے بائیڈن انتظامیہ کے ساتھ مل کر کام کرنے کا عہد کیا ہے۔