گوگل نے کہا ہے کہ وہ صحافت کے خواہشمند افراد کو اسٹارٹ اپ کی شروعات کے لیے کاروبار میں مدد کریں گے۔ فی الحال امریکہ کے شہریوں سے 2021 گوگل نیوز انیشی ایٹیو اسٹارٹ اپ بوٹ کیمپ کے تحت درخواست لی جارہی ہیں۔
یہ پروگرام 7 ستمبر سے 5 نومبر تک (ایک ہفتے کے وقفے کے ساتھ) چلے گا اور اس کا مقصد 24 منصوبوں کو قبول کرنا ہے۔ واضح رہے کہ یکم اگست تک درخواست بھیجی جاسکتی ہیں۔
جی این آئی اسٹارٹپس بوٹ کیمپ کے ڈائریکٹر اور تخلیق کار فلیپ اسمتھ نے کہا 'اگر آپ صحافی ہیں جو نیا پروجیکٹ شروع کرنے کے لیے تیار ہیں، تو ہم مدد کے لیے حاضر ہیں'۔
اسمتھ نے مزید کہا 'جب آپ بوٹ کیمپ میں شامل ہوجاتے ہیں تو آپ کو مختلف اسٹارٹ اپس کے بانیوں کے اجتماعی تجربے اور دانشمندی سے فائدہ ہوتا ہے۔ ان کا تجربہ آپ کے لیے کافی فائدہ مند ثابت ہو سکتا ہے'۔
یہ بھی پڑھیے
غزہ سے زرعی برآمدات دوبارہ شروع
2021 جی این آئی میں منتخب صحافی جی این آئی اسٹارٹ اپس پلے بک پر مبنی نصاب سے بھی مستفید ہوں گے۔ اسٹارٹپس بوٹ کیمپ صحافیوں کے لیے تربیت، مدد اور مالی اعانت فراہم کرتا ہے۔
گوگل نے کہا کہ رواں سال کے آخر میں وہ اپنے پہلے اسٹارٹپس بوٹ کیمپ کے لیے خصوصی طور پر کینیڈا کے صحافیوں سے درخواست حاصل کریں گے۔
