ماحولیاتی تبدیلی سے متعلق بائیڈن کی پالیسی پر جرمنی کی نظر

عالمی ماحولیات سے متعلق 'پیرس معاہدہ' کوامریکی صدر ڈونلڈ ٹرمپ نے در کنار کرتے ہوئے اس سے کنارہ کشی اختیار کر لی تھی۔ تاہم جو بائیڈن پیرس معاہدے کو بڑی سنجیدگی سے دیکھتے ہیں۔ ایسے میں جرمنی کی نظر اس بات پر ہے کہ بائیڈن کی پالیسی اس سلسلے میں کیسی ہو گی؟

جرمنی کی چانسلر اینجیلا مارکل کا کہنا ہے کہ ان کی حکومت یہ دیکھنا چاہتی ہے کہ امریکہ کے نئے صدر بننے جارہے جو بائیڈن کی ماحولیاتی تبدیلی پر کیا پالیسی ہوتی ہے؟

محترمہ مارکل نے کہا کہ 'میں 20 جنوری کے بعد امریکہ کے نئے صدر بننے جا رہے جو بائیڈن کے ساتھ کام کرنے کےلیے پرجوش ہوں اور دیکھنا ہے کہ ہمارے درمیان کیا یکسانیت ہے۔ہم ان کی تجویز کو دیھکیں گے اس کے بعد اپنے تجویز رکھیں گے'۔

انہوں نے جی-20 ورچوئل کانفرنس کے بعد صحافیوں سے بات کی جہاں دنیا کے رہنماؤں نے پیرس ماحولیات تبدیلی پر ان کے عزم کو دہرایا۔

واضح رہے کہ سنہ 2017 میں امریکہ کے صدر ڈونلڈ ٹرمپ نے اس معاہدے سے واپس ہٹنے کا اعلان کیا تھا۔