امریکی ریاست فلوریڈا میں فائرنگ، نوزائیدہ سمیت چار افراد ہلاک

فلوریڈا کے علاقے لیک لینڈ میں فائرنگ سے ایک نوزائیدہ سمیت چار افراد ہلاک ہوگئے ہیں۔ وہیں زخمیوں کو قریبی ہسپتال میں داخل کرایا گیا۔

امریکہ کی جنوبی ریاست فلوریڈا کے علاقے لیک لینڈ میں فائرنگ کے نتیجہ میں ایک نوزائیدہ سمیت چار افراد ہلاک ہوگئے۔

مقامی میڈیا نے اتوار کو یہ اطلاع دی۔ میڈیا رپورٹس کے مطابق اس واقعے میں ایک 11 سالہ بچی زخمی ہوئی ہے۔

پولک کاؤنٹی شیرف گریڈی جوڈ نے بتایا کہ فائرنگ علی الصبح 4:30 پر دو الگ الگ گھروں میں ہوئی۔

ان کا کہنا تھا کہ ملزم نے اس دوران پولیس کے ساتھ فائرنگ سے زخمی ہونے کے بعد ہتھیار ڈال دئے۔ انہوں نے کہا کہ واقعہ میں کوئی پولیس اہلکار زخمی نہیں ہوا ہے۔

یواین آئی