امریکی انتخابات میں غیر ملکی مداخلت کا خدشہ

ڈیمو کریٹک ممبران کانگریس نے ایف بی آئی سے صدارتی انتخابات میں غیرملکی مداخلت کے بارے میں معلومات فراہم کرانے کی اپیل کی ہے۔

امریکہ میں ڈیمو کریٹک ممبران کانگریس نے وفاقی تحقیقاتی بیورو ایف بی آئی سے آئندہ صدارتی انتخابات میں غیر ملکی مداخلت کی کوشش کے الزامات کے بارے میں معلومات فراہم کرنے کو کہا ہے۔

اس سلسلے میں کانگریس (پارلیمنٹ) ایوان نمائندگان کی اسپیکر نینسی پیلوسی، سینیٹر چک شومر اور دیگر رہنماؤں نے پیر کو ایف بی آئی کے ڈائریکٹر کرسٹوفر رے کو ایک خط لکھا۔ کرسٹوفر کو لکھے گئے خط میں ان رہنماؤں نے کہا کہ ’’ہماری درخواست ہے کہ ایف بی آئی ایوان نمائندگان اور سینیٹ کے تمام ممبروں کو 2020 کے صدارتی انتخابات میں غیر ملکی مداخلت کی کوششوں کے بارے میں معلومات فراہم کرے۔‘‘

تاہم یہ واضح نہیں ہے کہ کون سا ملک صدارتی انتخابات میں مداخلت کرنے کی کوشش کر رہا ہے۔