امریکہ: وسکونسن کے مال میں فائرنگ

امریکی صدارتی انتخابات کے بعد امریکہ میں آئے روز فائرنگ کی خبریں موصول ہو رہی ہیں۔ تازہ معاملہ امریکی ریاست وسکونسن کا ہے، جہاں ایک شاپنگ مال پر فائرنگ کی گئی، جس میں متعدد افراد کے زخمی ہونے کی خبر ہے۔

امریکہ کی ریاست وسکونسن میں واقع ایک شاپنگ مال پر ہونے والی فائرنگ میں 8 افراد زخمی ہوگئے۔ اس کی اطلاع محکمہ پولیس نے دی ہے۔

پریس ریلیز میں بتایا گیا ہے کہ واوواٹوسا پولیس کو مائی فیئر مال میں فائرنگ کی اطلاع ملی تھی۔ جب پولیس موقع پر پہنچی تو حملہ آور موقع پر موجود نہیں تھا۔ اس حملے میں آٹھ افراد زخمی ہوئے ہیں ان میں ایک نوعمر بھی شامل ہے۔

ریلیز کے مطابق فی الحال زخمیوں کے بارے میں مزید کوئی معلومات دستیاب نہیں ہوسکی ۔ عینی شاہدین کے مطابق حملہ آور ایک انگریز تھا، جس کی عمر 20 سے 39 برس کے درمیان تھی۔