بغدادی کے بارے میں اطلاع پر مخبر کو 25 ملین ڈالر انعام

امریکہ نے کہا ہے کہ شام کے صوبے ادلب میں امریکی اسپیشل فورسز کے زیرانتظام آپریشن میں مارے گئے اسلامک اسٹیٹ کے سربراہ ابوبکر البغدادی کی خبر دینے والے مخبر کو 25 ملین ڈالر انعام سے نوازا جائے گا۔

واشنگٹن پوسٹ نے اس کی اطلاع دی ہے کہ اسلامک اسٹیٹ کے سربراہ ابوبکر البغدادی کے سر پر 25 ملین ڈالر کی انعامی رقم ایک مخبر کو دی جائے گی۔ اس شخص کی شہریت کا انکشاف نہیں کیا گیا ہے۔ جس وقت شام کے صوبے ادلب میں بغدادی کے کمپاونڈ پر حملہ کیا گیا تھا یہ مخبر وہاں موجود تھا۔

ایک عہدیدار نے بتایا کہ یہ ایک سنی عربی ہے جو اس وجہ سے داعش کے خلاف ہو گیا تھا کیونکہ داعش نے اس کے ایک رشتہ دار کو ہلاک کر دیا تھا۔

جبکہ دوسری طرف امریکہ کا کہنا ہے کہ اس نے اسلامک اسٹیٹ (آئی ایس) کے سربراہ ابوبکر البغدادی کی لاش کو اس کی موت کے 24 گھنٹوں کے اندر ہی سمندر میں پھینک دی۔
امریکہ کی مرکزی کمان کے کمانڈر جنرل کینتھ میکنزی نے ایک پریس کانفرنس میں یہ اطلاع دی۔
میکنزی نے کہا کہ ’تحقیقات کے لیے ڈی این اے نمونے جمع کرنے کے بعد 24 گھنٹے کے اندر بغدادی کی لاش کو پھینک دی گئی‘۔ بغدادی کی لاش کو کس سمندر میں پھینکا گیا اس کی اطلاع انہوں نے نہیں دی۔