جارجیا: سینیٹ انتخاب میں ڈیموکریٹک پارٹی کی جیت

جارجیا کے سینیٹ الیکشن میں تقریباً 40 لاکھ لوگوں نے ووٹ دیا۔ وہاں کے انتخابی نتائج صدر ڈونلڈ ٹرمپ کے لیے بڑا دھچکا ثابت ہوئے ہیں۔

امریکہ کی جارجیا ریاست میں ہوئے سینیٹ انتخاب میں ڈیموکریٹک پارٹی کے رافیل وارنوک اور جان اوسوف ریپبیلکن پارٹی کی کیلی لوفلر اور ڈیوڈ پیرڈیو کو شکست دے کر کامیابی حاصل کی ہے۔

جارجیا سینیٹ انتخاب میں ڈیموکریٹک پارٹی کی جیت

اس انتخاب میں ریپبلیکن امیدواروں کے اہم سیٹیں ہارنے کے بعد ڈیموکریٹک پارٹی کا کانگریس میں دبدبہ قائم ہوگیا ہے۔

میڈیا رپورٹ کے مطابق، سنہ 2009 کے بعد یہ پہلی بار ہے کہ ڈیموکریٹس سینیٹ، ایوان نمائندگان اور وہائٹ ہاؤس میں اکثریت میں ہیں۔

رپورٹ میں کہا گیا ہے کہ ایک پادری مسٹر وارنک جارجیا کے پہلے اور امریکہ کی تاریخ میں 11ویں سیاہ فام سینیٹ رکن بنے ہیں۔

واضح رہے کہ جارجیا میں نومبر میں ہوئے انتخابات میں کسی بھی امیدوار نے ریاست کے ضابطوں کے تحت جیت کے لیےضروریکم از کم 50 فیصداکثریت حاصل نہیں کیا، اس لیے انتخابات دوبارہ کرائے گئے۔