امریکی آبدوز کسی نامعلوم شے سے ٹکرا گئی

نیوی کے مطابق آبدوز کے نیوکلیئر ری ایکٹر اور پروپلشن سسٹم کو کوئی نقصان نہیں پہنچا۔ تاہم تصادم کے باعث عملے کے رکن کو معمولی چوٹیں آئیں۔

بحیرہ جنوبی چین میں امریکی بحریہ کا جوہری آبدوز پانی کے اندر آپریشن کے دوران زیر سمندر حادثے کا شکار ہوگئی۔ اس کی تصدیق بحریہ کے دو افسران نے کی ہے۔

نام ظاہر نہ کرنے کی شرط پر انہوں نے بتایا کہ بحریہ نے ابھی تک پوری طرح واضح نہیں کیا ہے کہ آبدوز 'یو ایس ایس کنیکٹی کٹ' پانی کے اندر موجود سمندر سے کیسے ٹکرا گئی اور اس حادثے میں کتنا نقصان ہوا ہے۔

نیوی کے مطابق آبدوز کے نیوکلیئر ری ایکٹر اور پروپلشن سسٹم کو کوئی نقصان نہیں پہنچا۔ تاہم تصادم کے باعث عملے کے رکن کو معمولی چوٹیں آئیں۔

یو ایس این آئی نیوز نے سب سے پہلے اس حادثے کی خبر دی، نیوز میں کہا گیا کہ آبدوز کے آگلے حصے کو نقصان پہنچنے سے اس کے بیلسٹ ٹینک کو بھی نقصان پہنچا ہے۔

واضح رہے کہ یہ واقعہ اس سال 2 اکتوبر کو پیش آیا تھا، لیکن بحریہ نے پانچ دن گزرنے کے بعد بھی معلومات شیئر نہیں کیں۔ آبدوز کے نقصان کا اندازہ لگانے کے لیے اسے گوام لے جایا گیا تھا۔