امریکہ: کورونا وائرس نئے مرحلے میں داخل

کورونا کے نئے مرحلے میں دیہی علاقے بھی شہروں کی طرح خطرے میں ہوں گے۔

امریکہ میں کورونا وائرس سے حالات دن بہ دن بدتر ہوتے جا رہے ہیں اور اطلاعات ہے کہ یہ وبا اب دیہی علاقوں کی طرف بڑھنے لگی ہے۔

اسی حوالہ سے امریکی صدر کے مشیر برائے کورونا وائرس نے کہا ہے کہ امریکہ وبا کے نئے مرحلے میں داخل ہوگیا ہے۔

عالمی خبر رساں ایجنسی کے مطابق امریکی صدر کی مشیر ڈیبورا برکس نے اپنے ایک بیان میں کہا کہ کورونا کے نئے مرحلے میں دیہی علاقے بھی شہروں کی طرح خطرے میں ہوں گے۔

کورونا ٹاسک فورس کے سربراہ نے کہا کہ وائرس کی مقامی سطح پر منتقلی میں تخفیف ہوئی ہے۔ تاہم دیہی علاقے والوں کو کورونا سے شہر والوں جتنا ہی خطرہ ہے۔ ماسک پہننے، صفائی اور سماجی فاصلوں پر عمل جاری رکھنا ہوگا۔ تب ہی اس جان لیوا وائرس پر کنٹرول کیا جاسکے گا۔