امریکہ نے ہلاکتوں میں تمام ممالک کوپیچھے چھوڑدیا

امریکہ میں عالمی وبا کورونا وائرس (كووڈ -19) نے بھیانک شکل اختیار کر لیا ہے۔اٹلی ، اسپین سمیت دنیا کی تمام کوروناوائر متاثرین ممالک کو پیچھے چھوڑتے ہوئے یہاں کورونا وائرس سے اب تک 20 ہزار سے زائد افراد کی موت ہو چکی ہے جبکہ پانچ لاکھ سے زیادہ افراد متاثر ہوئے ہیں۔

امریکہ میں کورونا وائرس کا قہر رکنے کا نام نہیں لے رہا ہے اور دن بدن اس وبا سے لوگوں کی ہلاکتوں کی تعداد میں اضافہ ہوتا جارہا ہے۔ تازہ ترین اعداد وشمار کے مطابق کورونا وائرس سے سب سے زیادہ متاثر رہنے والے ممالک اٹلی، اسپین، چین ایران وغیرہ کو پیچھے چھوڑدیا ہے

امریکہ میں کورونا وائرس سے 20 ہزار سے زائد افراد ہلاک

جان ہاپکنز یونیورسٹی کےسائنس اورانجینئرنگ سینٹر(سی ایس ایس ای) کی جانب سے جاری تازہ اعداد و شمار کے مطابق امریکہ میں کورونا وائرس سے مرنے والوں کی تعداد 20 ہزارسے تجاوز کرکے 20506 پہنچ گئی ہے جبکہ 529740 افراد اس سے متاثر ہیں۔

امریکہ میں کورونا وائرس سے نيويارک، نیوجرسی اورمشی گن ریاستوں میں سب سے زیادہ ہلاکتیں ہوئی ہیں۔

امریکہ میں کورونا وائرس کی وجہ سے مرنے والوں کی تعداد اٹلی سے بھی زیادہ ہو گئی ہے۔ اٹلی میں کورونا وائرس سے اب تک 19468 افراد ہلاک ہوئےہیں جبکہ اسپین میں 16606 افراد نے اس وبا کی زد میں آنے سے دم توڑا ہے۔ دنیا میں 17 لاکھ سے زیادہ لوگ کورونا وائرس سے متاثر ہوئے ہیں اورایک لاکھ سے زائد افراد کی موت ہو چکی ہے۔