ڈنمارک کے کوپن ہیگن میں دھماکہ

ڈنمارک کے دارالحکومت کوپن ہیگن میں ایک تھانہ کے نزدیک دھماکہ ہوا جس میں کسی جانی نقصان کی کوئی اطلاع نہیں ہے۔

ڈنمارک کے دارالحکومت کوپن ہیگن میں پولیس اسٹیشن کو ہفتے کے روز علی الصبح ایک دھماکے سے نقصان پہنچا۔ یہ ڈینش دارالحکومت میں چار دن میں ہونے والا دوسرا دھماکہ تھا۔

ڈنمارک کے کوپن ہیگن میں دھماکہ

چیف پولیس انسپکٹر جورجین برجن اسکوف نے بتایا کہ نوریبرو کے علاقے میں واقع ایک چھوٹے سے پولیس اسٹیشن کے باہر دھماکے میں کوئی بھی شخص زخمی نہیں ہوا۔

منگل کے دن ، ڈینش ٹیکس ایجنسی کے دفتر کے باہر ایک دھماکے میں ایک شخص قدرے زخمی ہوگیا تھا ، جس میں پولیس کا کہنا تھا کہ یہ دانستہ حملہ تھا۔

اسکوف نے کہا کہ ہفتے کے روز ہونے والا دھماکہ بھی جان بوجھ کر کیا گیا تھا ، لیکن یہ بتانا ابھی قبل از وقت ہوگا کہ آیا یہ دونوں دھماکے آپس میں منسلک ہیں یا نہیں۔

اسکوف نے کہا کہ 'یہ کوئی حادثہ نہیں تھا ، بلکہ جان بوجھ کر کیا جانے والہ حملہ تھا۔' انہوں نے مزید کہا کہ تحقیقات ابھی جاری ہے لیکن سرکاری ذرائع نے تصدیق نہیں کی کہ آیا یہ واقعہ دہشت گردی سے متعلق ہے یا نہیں۔