چلی :طیارہ حادث میں 38 افراد ہلاک

چلی فضائیہ کا ایک طیارہ گر کر تباہ ہو گیا۔ اس طیارہ میں سوار تین عام شہری سمیت 38 افراد کی موت ہوگئی۔ جائے حادثہ کی جانب ریسکیو مشن روانہ کر دیا گیا ہے۔

چلی فضائیہ کی طرف سے جاری ایک بیان میں کہا گیا ہے کہ طیارہ میں عملہ کے 17 افراد اور 21 مسافر تھے۔ غیر ملکی نیوز ایجنسی کے مطابق مسافروں میں 3 سویلین افراد بھی شامل ہیں۔

سی 130 ہرکولیس طیارے نے مقامی وقت کے مطابق شام کے چار بجے چلی کے پنٹا اریناز ائیرپورٹ سے اڑان بھری تھی جس کا ایک گھنٹے پانچ منٹ بعد کنڑول روم سے رابطہ منقطع ہو گیا تھا۔

چلی کے حکام کا کہنا ہے کہ طیارہ کی تلاش کا کام جاری ہے، 2 ایف -16 طیارہ تلاش کے لیے جانے والے چار بحری جہازوں کی حفاظت کے لیے روانہ کیے گئے ہیں۔ چلی کے صدر کا کہنا ہے کہ وہ صورت حال پر نظر رکھے ہوئے ہیں۔