کینیڈا کی عدالت نے ہواوے کی سی ایف او کی اپیل خارج کی

کینیڈا کی ایک فیڈرل کورٹ کی جج نے بدھ کے روز چینی کمپنی ہواوے کی چیف فنانشل آفیسر(سی ایف او) مینگ وینجو کی حوالگی سے متعلق اضافی دستاویز جاری کرنے کی اپیل خارج کردی۔

محترمہ مینگ اور ان کی قانونی ٹیم نے عدالت سے اپنے متعلقہ خفیہ دستاویزات کا مطالبہ کیا تھا جو قومی سلامتی کے لئے حساس سمجھے جاتے ہیں۔

منگل کو جج کیتھرین کین نے اپنے فیصلہ میں کہا، کینیڈا کے امیکس اور اٹارنی جنرل کی مشترکہ تجاویز کے مطابق عدالت متعلقہ معلومات کے ظاہر کرنے پر روک لگاتی ہے، اسی وجہ سے یہ درخواست مسترد کردی گئی ہے۔'

محترمہ مینگ کے وکلا نے دلیل دی کہ دستاویزات سے پتہ چلتا ہے کہ اس عمل کا غلط استعمال ہوا ہے، جبکہ جج نے کہا کہ مہر بند دفاع سے متعلق دستاویز حوالگی سے متعلق نہیں ہے۔

قابل ذکر ہے کہ ہواوے کے بانی رین ژینگ فئی کی بیٹی محترمہ مینگ کو کینیڈا کے عہدیداروں نے یکم دسمبر 2018 کو امریکی حکومت کی درخواست پر وینکوور بین الاقوامی ہوائی اڈے پر گرفتار کیا تھا۔