کینیڈا کے صوبہ نووا سکوٹیا میں اتوار کو ایک مسلح شخص کی جانب سے 12 گھنٹے تک کی گئی فائرنگ میں ایک پولیس اہلکار سمیت دس سے زائد افراد ہلاک ہو گئے اور کئی دیگر افراد زخمی ہو گئے۔
دی گارڈین کے مطابق پولیس نے کہا کہ ہلا ک شدگان میں ایک پولیس اہلکار بھی شامل ہے اور مسلح شخص کی شناخت 51 سالہ گیبریل وورت مین کے طور پر ہوئی ہے جو پولیس کی جوابی کارروائی میں مارا گیا۔
اس نے مختلف مقامات پر کئی لوگوں پر فائرنگ کی۔ پولیس نے بتایا کہ مجموعی ہلاکتوں کی تعداد کا ابھی پتہ لگایا جا رہا ہے۔
کینیڈ ا کے وزیر اعظم جسٹن ٹروڈو نے اس حادثے کے سلسلے میں دکھ کا اظہار کرتے ہوئے کہا کہ 'اس حادثے میں متاثر ہونے والے ہر ایک شخص کے تئیں میں ہمدردی ظاہر کرتا ہوں ۔میں پولیس کو ان کی کارروائی اور لوگوں کو ان کی حمایت کرنے کے لئے شکریہ ادا کرنا چاہتا ہوں'۔
صوبہ نووا سکوٹیاکے پریمیئر اسٹیفن میکلین نے اس واقعہ کو صوبے کی 30 سال کی تاریخ میں اب تک کے سب سے زیادہ سفاکانہ واقعہ قرار دیا ہے۔
اہلکاروں کے مطابق حملہ آور نے پولیس اہلکار جیسی وردی پہن رکھی تھی اور گاڑی بھی پولیس والوں جیسی تھی۔ اسے نووا سکوٹیا صوبے کے اینفیلڈ کے علاقے میں گیس اسٹیشن کے پاس سے رائل کینیڈین ماؤنٹڈ پولیس (آر سی ایم پی ) نے گرفتار کیا گیا ہے۔ حالانکہ کہ پولیس نے بعد میں بتایا کہ مسلح شخص کی موت ہو گئی۔
