برازیل میں گذشتہ 24 گھنٹوں کے دوران کورونا وائرس سے 1282 ہلاکتیں ہونے کے ساتھ ہی یہاں اس وبا سے ہلاک ہونے والوں کی تعداد 45241 ہوگئی ہے۔
وزارت صحت نے اس سلسلے میں اطلاع فراہم کرتے ہوئے بتایا کہ 34918 نئے کیسز کے ساتھ متاثرہ مریضوں کی تعداد 923189 ہوگئی ہے۔
تازہ ترین اعدادو شمار لاک ڈاؤن میں نرمی اور معاشی سرگرمیاں دوبارہ شروع ہونے کے بعد جاری کئے گئے ہیں۔ریو ڈی جنیرو نے ناظرین کے بغیر کھیلوں کی سرگرمیاں شروع کرنے کا فیصلہ کیا ہے۔
برازیل امریکہ کے بعد دوسرا ملک ہے جس میں سب سے زائد کورونا وائرس کے کیسز سامنے آئے ہیں۔