برازیل میں کورونا کے 44235 نئے معاملے

برازیل میں کورونا وائرس متاثرین میں مسلسل اضافہ ہوتا جا رہا ہے ، وائرس سے مرنے والوں کی تعداد بڑھ کر 118649 ہوگئی۔

برازیل میں گزشتہ 24 گھنٹوں کے دوران کورونا وائرس کے 44235 نئے معاملے درج کئے گئے ہیں۔ اس کے ساتھ ہی یہاں اس سے متاثر ہونے والوں کی تعداد 3761391 ہوگئی ہے۔

برازیل کی وزارت صحت نے تاٰخیر جمعرات کی شب بتایا کہ ملک میں اس دوران وبا سے 984 مریضوں کی موت ہوئی اور اس کے بعد مرنے والوں کی تعداد بڑھ کر 118649 ہوگئی۔

اس کے ایک دن پہلے یہاں اس مہلک وائرس کے 47161 نئے معاملے سامنے آئے تھے اور اس سے متاثر 1085 مریضوں نے دم توڑا تھا۔

برازیل کووڈ۔ 19 سے متاثر ہونے اور اس کے سبب ہونے والی اموات کے معاملے می امریکہ کے بعد دنیا میں دوسرے مقام پر ہے۔