برازیل میں کورونا وائرس کے 43412 نئے معاملے

برازیل میں کورونا کا قہیر جاری ہے، امریکہ کے بعد برازیل دوسرا ملک ہے جہاں کورونا کا سب سے زیادہ اثر ہے۔

برازیل میں گذشتہ 24 گھنٹوں کے دوران کورونا وائرس کے 43412 نئے معاملے سامنے آنے کے ساتھ ہی ، یہاں متاثرہ مریضوں کی تعداد 3804803 ہوگئی ہے۔ وزارت صحت نے اس سلسلے میں اطلاع دی ہے۔

اس دوران ، 855 مریضوں کی موت کے ساتھ اموات کی تعداد 119504 ہوگئی ہے۔ اس سے ایک دن پہلے، برازیل میں کورونا کے 44235 نئے معاملے سامنے آئے تھے اور 984 افراد کی موت ہوئی تھی۔

امریکہ کے بعد برازیل دوسرا ملک ہے جہاں کورونا کا سب سے زیادہ اثر ہے۔ امریکہ میں کورونا وائرس کے59 لاکھ سے زیادہ مریض ہیں۔ عالمی ادارہ صحت نے 11 مارچ کو کورونا وائرس کو عالمی وبا قرار دیا تھا۔