برازیل میں کورونا میں اب تک 1.21 لاکھ افراد ہلاک

امریکہ کے بعد برازیل کورونا وائرس سے سب سے زیادہ متاثر ہونے والا دوسرا ملک ہے، جبکہ بھارت تیسرے نمبر پر ہے۔

برازیل میں گذشتہ 24 گھنٹوں کے دوران جان لیوا عالمی وبا کورونا وائرس سے 533 مریضوں کی ہلاکت کے بعد ملک میں کورونا سے مرنے والوں کی مجموعی تعداد 121،381 ہوگئی ہے۔

وزارت صحت کے مطابق اس عرصے کے دوران کورونا وائرس کے 45،961 نئے کیسز بھی ریکارڈ کیے گئے ہیں ، جس کے بعد ملک میں کورونا سے متاثرہ افراد کی مجموعی تعداد 3،908،272 ہوگئی۔

برازیل میں مسلسل پانچویں روز بھی اس وائرس کے پھیلنے سے ایک ہزار سے بھی کم افراد ہلاک ہوئے ہیں۔ کورونا سے سب سے زیادہ متاثرہ ساؤ پاؤلو ہوا ہے۔ یہاں تیس ہزار سے زائد افراد اپنی جانوں سے ہاتھ دھو بیٹھے ہیں۔

امریکہ کے بعد برازیل کورونا وائرس سے سب سے زیادہ متاثر ہونے والا دوسرا ملک ہے، جبکہ بھارت تیسرے نمبر پر ہے۔

دنیا بھر میں کورونا وائرس سے اب تک 2 کروڑ 53 لاکھ 34 ہزار 339 افراد متاثر ہوئے ہیں جبکہ 8 لاکھ 48 ہزار 84 افراد اس مہلک وبا سے ہلاک ہو چکے ہیں۔

کورونا سے سب سے زیادہ متاثر امریکہ ہوا ہے، امریکہ میں اب تک 60 لاکھ 32 ہزار 112 افراد کووڈ-19 سے متاثر ہو چکے ہیں جبکہ 1 لاکھ 83 ہزار 279 افراد ہلاک ہو چکے ہیں۔