بوئنگ نے اپنے سی ای او کو عہدے سے ہٹانے کا اعلان کیا

امریکی طیارہ ساز کمپنی بوئنگ نے اپنے چیف ایگزیکٹو آفیسر (سی ای او) ڈینس اے ملن برگ کو ان کے عہدے سے دستبردار کرنے کا اعلان کیا ہے۔

یہ اعلان کمپنی کے بورڈ آف ڈائریکٹر کی پیر کو ہوئی میٹنگ کے بعد کیا گیا ہے۔

کمپنی کے موجودہ چیئرمین ڈیوڈ کولہان 13 جنوری 2020 سے کمپنی کے چیف ایگزیکٹو آفیسر کا عہدہ سنبھالیں گے جبکہ مسٹر لارنس کالنر کو فوری طور پر کمپنی کا غیر ایگزیکٹو ڈائریکٹر بنا دیا گیا ہے۔

مذید پڑھیں: شام میں روس کے فوجی اڈے پر ڈرون حملے کی کوشش

بوئنگ کے چیف مالیاتی آفیسر گریگ اسمتھ کو کمپنی کا عبوری سی ای او بنا یا گیا ہے۔

ایسا خیال ہے کہ مسٹر ملن برگ کو عہدے سے ہٹانے کی اہم وجہ گزشتہ برس اکتوبر اوررواں سال مارچ میں دو بوئنگ میکس طیاروں کے حادثہ کا شکار ہونا ہے۔

اس کے بعد سے کمپنی شدید دباؤ میں تھی اس حادثات کے مدنظر امریکی وفاقی سول ایوی ایشن ایجنسی (ایف اے اے) نے 12 دسمبر کو بوئنگ کی سرزنش کی تھی۔