Kabul Airport Blast: کابل ایئرپورٹ کے باہر دھماکہ، 40 ہلاک: پنٹاگن

امریکی فوج نے کہا ہے کہ کابل ایئرپورٹ کے باہر زور دار دھماکہ ہوا ہے جہاں انخلا کے انتظارمیں ہزاروں افراد موجود ہیں۔

کابل بین الاقوامی ایئرپورٹ کے باہر جمعرات کی شام ہوئے دہرے بم دھماکہ میں کم از کم 40 افراد کی ہلاکت کی اطلاع ہے، جبکہ 120زخمی ہیں جن میں سے کئی کی حالت نازک ہے۔
زخمیوں میں امریکی شہری بھی شامل ہیں۔ افغانستان کی وزارت صحت کے ذرائع نے یہ اطلاع دی۔

وزارت صحت کے ذرائع کے مطابق ہوائی اڈہ کے باہر ہوئے مشتبہ خودکش حملہ میں مرنے والوں کی تعداد بڑھ کر 40 ہوگئی ہے جبکہ
120 افراد زخمی ہوئے ہیں۔

خبر ایجنسی اے ایف پی کی رپورٹ کے مطابق پنٹاگن کے ترجمان جان کربی نے کہا کہ ‘کابل ایئرپورٹ کے باہر دھماکے کی تصدیق کررہے ہیں تاہم اب تک کی خبر کے مطابق 20 افراد کی ہلاکت کی اطلاع ہے’۔ بتایا جارہا ہے کہ اس دھماکہ میں 50 سے زائد افراد ہلاک ہوئے ہیں۔

امریکہ اور اس کے اتحادیوں نے کہا تھا کہ خفیہ اطلاع ہے کہ کابل ایئرپورٹ پر بم دھماکہ ہوسکتا ہے۔

ٹویٹ

قبل ازیں ٹویٹر پر اپنے بیان میں جان کربی نے کہا کہ کابل ائیرپورٹ کے باہر دھماکہ ہوا ہے تاہم دھماکے میں کسی جانی نقصان کے متعلق ابھی کوئی خبر نہیں ہے۔

ٹویٹ

دوسری جانب برطانوی میڈیا نے ایک امریکی اہلکار کے حوالے سے دعویٰ کیا ہے کہ یہ دھماکہ خودکش ہے۔

خیال رہے کہ یہ واقعہ ایسے وقت پیش آیا ہے جب کابل کے حامد کرزئی بین الاقوامی ائیرپورٹ پر ہزاروں افغان شہری ملک سے فرار ہونے کے لیے جمع ہیں۔ائیرپورٹ پر امریکی اور برطانوی فوجیوں کی بھی بڑی تعداد موجود ہے جو کہ اپنے شہریوں اور عملےکا محفوظ انخلا یقینی بنانے کی کوشش کررہی ہے۔

ٹویٹ

دوسری جانب ائیرپورٹ کے باہر کی سکیورٹی طالبان نے اپنے ہاتھ میں لے رکھی ہے۔

واضح رہے کہ امریکہ اور برطانیہ نے کابل ایرپورٹ پر دھماکہ ہونے کے بارے میں خبردار کیا تھا۔