جے شنکر اور بلنکن کا ہند-بحرالکاہل خطے میں تعاون کو فروغ دینے پر تبادلہ خیال

امریکی محکمہ خارجہ کے ترجمان نیڈ پرائس کے مطابق وزیر خارجہ ایس جے شنکر اور امریکی وزیر خارجہ انٹونی بلنکن نے دونوں ممالک کے درمیان جامع عالمی اسٹریٹجک شراکت داری کو گہرا کرنے کی کوششوں پر بات چیت کے لیے ملاقات کی۔

وزیر خارجہ ایس جے شنکر اور امریکی وزیر خارجہ انٹونی بلنکن کے درمیان دو طرفہ میٹنگ ہوئی، جس میں دونوں نے ہند-بحرالکاہل خطے میں باہمی کوشش اور کواڈ کے ذریعہ تعاون کو مزید مستحکم بنانے کی کوششوں پر تبادلہ خیال کیا۔

دونوں رہنماؤں نے ہفتہ کو روم میں جی 20 سمٹ کے موقع پر ملاقات کی۔ ایس جے شنکر نے ملاقات کے بعد ایک ٹویٹ کے ذریعہ کہا، ’’ریاست ہائے متحدہ امریکہ کے وزیر خارجہ بلنکن کے ساتھ روم میں جی 20 چوٹی کانفرنس کے موقع پر بہت اچھی ملاقات ہوئی۔ اس دوران اپنی شراکت داری سے متعلقہ امور کی ایک وسیع سیریز پر بات چیت کی۔

بشکریہ ٹویٹ

ایک ٹویٹ میں بلنکن نے بھی کہا، "میں نے ہند-بحرالکاہل تعاون کو دو طرفہ اور کواڈ کے ذریعہ مضبوط کرنے کی کوششوں پر تبادلہ خیال کرنے کے لیے ڈاکٹر ایس جے شنکر سے ملاقات کی۔ میں امریکہ - ہندوستان جامع عالمی اسٹریٹجک پارٹنرشپ کو گہرا کرنے کے لیے مل کر کام کرنے کی توقع کرتا ہوں۔"

بشکریہ ٹویٹ

امریکی محکمہ خارجہ کے ترجمان نیڈ پرائس کے مطابق دونوں رہنماؤں نے امریکہ اور ہندوستان کے درمیان جامع عالمی اسٹریٹجک شراکت داری کو گہرا کرنے کی کوششوں پر بات چیت کے لیے ملاقات کی۔

اس کے علاوہ ان کی گفتگو کے دیگر موضوعات میں کورونا ویکسین کو زیادہ سے زیادہ لوگوں تک پھیلانا، سی او پی26 میں آب و ہوا کے تعلق سے اپنی حکمت عملی کو وسعت دینا، اپنے باہمی عزائم اور تعاون کو مضبوط بنانا شامل تھا۔

(یو این آئی)