بائیڈن سو دنوں میں 10 کروڑ ڈوز دستیاب کرائیں گے

نو منتخب امریکی صدر نے کہا کہ عہدہ سبھالنے کے سو دنوں کے اندر کووڈ 19 ویکسین کے 10 کروڑ ڈوزیز لوگوں کو فراہم کرائے جائیں گے۔

امریکہ کے نو منتخب صدر جو بائیڈن نے کہا کہ صدر کا عہدہ سنبھالنے کے پہلے سو دنوں میں ان کی انتظامیہ 10 کروڑ کووِڈ۔19 ویکسین کی خوراک فراہم کرے گی۔

جو بائیڈن نے وِلمِنگٹون، ڈیلاورے میں نمائندوں سے بات چیت میں کہا کہ ’ان کی ٹیم پہلے 100 دنوں میں کووِڈ۔19 ٹیکے کی کم از کم 10 کروڑ ڈوزیز فراہم کرے گی۔ ملک میں کورونا کے حالات بہتر ہونے سے پہلے ہی اس کا قہر مزید بڑھ سکتا ہے۔

انہوں نے کہا کہ امریکی عوام کو ویکسین لینے کے لیے راضی کرنے کی بیداری کی ضرورت ہوگی کیونکہ کئی افراد اسے لینے سے خوفزدہ ہیں۔

انہوں نے کہا کہ صدر کا عہدہ سنبھالنے کے پہلے 100 دنوں کے اندر اسکولوں کو کھولنا چاہتے ہیں، یہ کانگریس پر منحصر ہے کہ وہ کووِڈ۔19 راحت قانون پاس کرتی ہے یا نہیں۔ جوبائیڈن نے اس دوران اپنے شروعاتی تین مہینوں کے کام کے متعلق جانکاری دی۔ واضح ہو کہ امریکہ میں کووڈ 19 اہم ایشو رہا جس کے متعلق بائیڈن امریکی صدر ٹرمپ کو گھیرتے رہے۔ امریکی انتظامیہ کو آنے والے دنوں میں ہر شخص کو دو ویکسین کی منظوری دینے کی امید ہے جو دسمبر میں 10 کروڑ خوراک دینے کے لیے بعد میں آنے والے مہینوں میں ایک کروڑ سے زائد افراد کو خوراک پہنچانے پر کام کرے گا۔ حکومت کی سنہ 2021 کی دوسری سہہ ماہی کے آخر تک تقریباً تمام امریکی شہریوں کی ٹیکہ کاری کرنے کا منصوبہ ہے۔