امریکی صدارتی انتخابات میں کامیابی حاصل کرنے والے جو بائیڈن نے اپنے حریف اور امریکی صدر ڈونالڈ ٹرمپ کے حامیوں سے انہیں موقع دینے کے لیے کہا ہے۔
انہوں نے قوم کے نام اپنے خطاب میں کہا کہ 'آپ میں سے جنہوں نے صدر ٹرمپ کو ووٹ دیا، میں آپ کی نا امیدی کو سمجھ سکتا ہوں، لیکن ہمیں ایک دوسرے کو موقع دینا چاہیے۔ اب وقت آگیا ہے کہ ماحول کو پرسکون کریں۔ ایک دوسرے کی بات کو پھر سے سنا جائے۔ ہمیں ترقی کرنے کے لیے اپنے مخالفین کے ساتھ دشمنوں جیسا سلوک کرنا بند کرنا ہوگا۔ وہ ہمارے دشمن نہیں ہیں، وہ امریکی ہیں'۔