'امریکہ کوبھاری قیمت چکانا ہوگی'

ایران کے صدرحسن روحانی نے میجر جنرل قاسم سلیمانی کی امریکی فضائی حملے میں موت پر امریکہ کو انتباہ دیتے ہوئے کہا ہے کہ 'امریکہ کواس کی بھاری قیمت چکانا ہوگی۔'

روحانی نے قطر کے وزیر خارجہ شیخ محمد بن عبدالرحمان الثانی کے ساتھ ملاقات کے دوران کہا 'امریکہ نے ایک نیا طریقہ اپنایا ہے جو اس علاقے کو بہت خطرناک پوزیشن میں ڈال سکتا ہے۔'
انہوں نے کہا کہ 'ایران علاقہ میں کسی طرح کی کشیدگی نہیں چاہتا ہے لیکن اس علاقے میں کشیدگی بڑھنے اور عدم استحکام کا سبب امریکہ کا یہ غلط کام ہے۔'
اس سے پہلے ایران کے وزیر خارجہ جواد ظریف نے الثانی کے ساتھ ملاقات کے دوران کہا تھا کہ 'ایران علاقے میں کسی طرح کی کشیدگی نہیں چاہتا ہے لیکن غیر ملکی اور اضافی علاقائی فورسز کی موجودگی اور مداخلت سے اس حساس علاقے میں عدم استحکام اور عدم تحفظ کے حالات پیدا ہوگئے ہیں۔'